کراچی میں بچی سے مبینہ زیادتی، مشتعل مظاہرین کا ملزم کے گھر پر دھاوا
کراچی: شہر قائد میں انتہائی افسوسناک واقعہ رونما ہوا ہے، جہاں وحشی درندے نے بچی کو مبینہ زیادتی کا نشانہ بنانے والے ملزم کو گرفتار کرلیا گیا ۔ واقعہ منگل کو کراچی کے علاقے عیسیٰ نگری میں پیش آیا،جہاں ایک شخص نے بچی سے مبینہ زیادتی کی، بچی سے زیادتی کی خبر علاقے میں جنگل میں آگ کی طرح پھیل گئی اور ملزم کی شناخت ہونے پر اہل علاقہ مشتعل ہوگئے اور عوام کی بڑی تعداد نے ملزم کے گھر پر دھاوا بولا اور مبینہ ملزم کے گھر میں گھس کر توڑ پھوڑ کی، متشعل افراد کی جانب سے ملزم کے گھر پر ہوائی فائرنگ بھی کی گئی۔واقعے کی اطلاع ملنے پر پولیس کی بھاری نفری جائے حادثے پر پہنچی اور عوام کو مشتعل کرنے کی کوشش کی، تاہم ناکامی پر پولیس کی مزید نفری کو طلب کرلیا گیا ہے، بچی سے زیادتی کے واقعے پر علاقے میں شدید اشتعال پایا جاتا ہے، متشعل مظاہرین کا موقف ہے کہ ملزم کو ہمارے حوالے کیا جائے، مبینہ زیادتی کا شکار بچی کو اسپتال منتقل کردیا گیا ہے، جہاں طبی معائنے کے بعد ملزم کے خلاف مقدمہ درج کیا جائے گا۔عوام کے شدید اشتعال کے پیش نظر پولیس نے ملزم کی تلاش شروع کی اور سرچ آپریشن کے دوران بچی سے مبینہ زیادتی کرنے والے ملزم کو گرفتار کرلیا، ایس ایس پی ایسٹ نے ملزم کی گرفتاری کی تصدیق کردی ہے۔
