کراچی،دنیا کے سب سے بڑے کارگو جہاز کی ایک مرتبہ پھر پاکستان میں لینڈنگ

دنیا کے سب سے بڑے کارگو ہوائی جہاز انتونوو این 225 ماریہ نے ایک بار پھر کراچی ائیرپورٹ پر لینڈنگ کی ہے۔
فلائٹ اے ڈی بی 3859 نے 11 بجکر 27 منٹ پر جناح انٹرنیشنل ائیر پورٹ پر لینڈنگ کی۔
ایوی ایشن ذرائع کے مطابق انتونوو این 225 ماریہ 20 اپریل 2018 کو پہلی مرتبہ جناح انٹرنیشنل ائیرپورٹ پر اترا تھا۔
6 ٹربو فن انجن والا یہ اب تک کا دنیا کا سب سے بڑا اور بھاری طیارہ ہے۔ انتونوو این 225 ماریہ نے دسمبر 1988 میں پہلی اڑان بھری اور یہ 32 سال پرانا اسٹریٹجک جہاز ہے۔
یوکرین کی رجسٹریشن UR-82060 والے اس طیارے کا زیادہ سے زیادہ ٹیک آف وزن 640 ٹن ہے۔

اپنا تبصرہ بھیجیں