بہاولپور،اسکول جانے والے بچوں کے رکشے کی ٹریلر سے ٹکر، 4 بچے جاں بحق

بہاولپور: مسافر خانہ کے قریب تیز رفتار ٹرالر کی اسکول کے بچوں کے رکشہ کو ٹکر کے نتیجے میں 4 بچے جاں بحق ہوگئے۔ بہاولپور کے علاقے مسافر خانہ کے قریب تیز رفتار ٹرالر اسکول کے بچوں کے رکشہ سے ٹکرا گیا، جس کے نتیجے میں رکشے میں سوار 4 بچے جاں بحق اور 10 زخمی ہوگئے۔

ریسکیو حکام کے مطابق واقعے کی اطلاع ملتے ہی رضارکاروں اور پولیس کی ٹیمیں جائے حادثہ پر پہنچ گئیں، اور لاشوں اور زخمیوں کو اسپتال منتقل کردیا گیا۔ ریسکیو ذرائع کا کہنا ہے کہ اسکول کے بچے رکشہ پر پڑھنے جا رہے تھے کہ راستے میں حادثے کا شکار ہو گئے، بچوں کی شناخت کی جارہی ہے، اور اسکول میں اطلاع دے دی گئی ہے تاکہ جاں بحق اور زخمی ہونے والے طلبا کے والدین اسپتال سے اپنے پیاروں کی لاشیں لے جائیں۔

اپنا تبصرہ بھیجیں