کاغذی لاک ڈاؤن 40ویں روز میں داخل، شہری بدستور غیر سنجیدہ

کوئٹہ:کوئٹہ سمیت لاک ڈان 40ویں روز میں داخل ہوگیا،کورونا کیسز میں روز بروز اضافے کے باوجود شہریوں کی حکومتی احکامات پر عملدرآمد میں غیر سنجیدگی ختم ہونے کا نام نہیں لے رہی کوئٹہ سمیت صوبے بھر میں میں جزوی لاک ڈان40 روز بھی جاری ہے،شہر کی مختلف شاہراہوں پر ٹریفک کی آمدورفت اور حکومتی احکامات کی خلاف ورزی بھی نظر آرہی ہے، لوگ لاک ڈان کی افادیت جاننے کے باوجود اس پر عمل کرتے نظر نہیں آتے ہیں سڑکوں پر نکلے لوگ ہی لاک ڈان پر عملدرآمد اور سماجی فاصلوں سے کورونا کو شکست دینے کا مشورہ دے رہے ہیں حکومت کی جانب سے اجازت ملنے والے کاروبار کھلے ہوئے ہیں تاہم لوگوں کی جانب سے احتیاطی تدابیر پر مکمل عملدرآمد نہیں کیا جارہا، مختلف ناکوں پر ٹریفک پولیس بھی اپنے فرائض سرانجام دیتی نظر آرہی ہے لاک ڈاون کے دوران مارکیٹیں،شاپنگ مالز،تجاراتی مراکز بند رہی پیکنگ پوائنٹس،تربیتی مراکز،بیوٹی پارلزز مکمل طور پر بند ہے پیٹرول پمپس،کھجور سمیت اشیاخردنوش کی دوکانوں کو لاک ڈاون سے استثنیٰ حاصل ہے شہر میں دفعہ 144 کے تحت موٹرسائیکل کی ڈبل سواری پر پابندی برقرار ہے میڈیکل اسٹورز،کریانہ، سبزی، فروٹ،زرعی اور تعمیراتی شعبے کے مراکز لاک ڈاون سے استثنیٰ حاصل ہے بین اضلاعی اور بین الصوبائی ٹرانسپورٹ پر پابندی برقرار ہے۔