نامور پاکستانی کوہ پیما علی رضا سدپارہ انتقال کر گئے، اہلخانہ کی تصدیق

اسکردو، نامور پاکستانی کوہ پیما علی رضا سدپارہ انتقال کر گئے۔‎ علی رضا سدپارہ پہاڑ سے گرنے کے باعث زخمی ہوئے تھے جس کے وجہ سے وہ ریجنل اسپتال میں زیر علاج تھے۔اہل خانہ کے مطابق 66 سالہ علی رضا 1986 سے کوہ پیمائی کے شعبے سے وابستہ تھے، انہوں نے 8ہزار میٹر سے بلند چار چوٹیوں کو 16 بار سر کیا تھا۔پاکستانی کوہ پیماعلی رضا سدپارہ تربیتی مشق کے دوران گر کر زخمی ہو گئے تھے،‎ علی رضا نے رواں سال کے ٹو کی مہم جوئی پر جانا تھا۔اہل خانہ کے مطابق علی رضا سد پارہ کی نماز جنازہ آج صبح 10 بجے اولڈینگ قبرستان میں ادا کی جائے گی۔