کورونا، بلوچستان میں پھیلاؤ تیز، ایک روز میں 174نئے کیسز سامنے آگئے

کوئٹہ:بلوچستان میں 174نئے کیسز کی تصدیق کے بعد بلوچستان میں مصدقہ کیسز کی تعداد1495تک پہنچ گئی ہے جبکہ اموات کی تعداد21ہے اس کے علاوہ کورونا وائرس سے اب تک206افراد صحت یاب ہوچکے ہیں۔محکمہ صحت بلوچستان کے جاری کردہ رپورٹ کے مطابق بلوچستان میں اب تک 30ہزار 461 افراد کی اسکریننگ کی گئی جن میں 16334مشتبہ افراد کے سیمپلز لئے گئے اب تک 11496افراد کے ٹیسٹ کئے گئے ہیں جن میں 10ہزار ایک ٹیسٹ منفی جبکہ 174نئے کیسز کی تصدیق کے بعد صوبے میں کورونا وائرس سے متاثرہ افراد کی تعداد1495ہوگئی ہے،محکمہ صحت کے مطابق گزشتہ روز863افراد کے ٹیسٹ کئے گئے اس کے علاوہ صوبے میں 1495میں سے 1268کیسز ایکٹو ہیں 206افراد صحت یاب جبکہ 21افراد جاں بحق ہوچکے ہیں،اس کے علاوہ 1226افراد کے ٹیسٹ کاانتظار ہے۔محکمہ صحت بلوچستان کے مطابق صوبے کے مختلف قرنطینہ سینٹرز جن میں تفتان میں 231،دالبندین 18،پی سی ایس آئی آر میں 5،خضدار میں 10،لورالائی میں 16،کچھی میں 2،قلعہ عبداللہ میں 469، سبی میں 150،پشین میں 381،بارکھان میں 15،ژوب میں 23،پنجگور میں 8، گوادرمیں 17اور لسبیلہ میں 38افراد نے خود کو کورونٹائن کیاہے۔