بلوچستان ، محکمہ صحت کے ساتھ ہاتھ ہو گیا، فرنیچر فراہم کرنے کے نام پر کروڑوں روپے وصول کرنے والا فرم غائب

کوئٹہ، محکمہ صحت بلوچستان میں فرنیچر فراہمی کی ذمہ دار فرم کروڑوں روپے ہضم کرکے رفو چکر ہوگئی، ڈی جی ہیلتھ نے ایف آئی آر کے اندارج کے لئے پولیس سے رجوع کر لیا ۔ ڈی جی ہیلتھ بلوچستان ڈاکٹر محمد سلیم ابڑو نے کہا ہے کہ2017 میں ہونے والے ٹینڈرز میں فرنیچر فراہمی کا ٹھیکہ میسرز جاوید اینڈ کمپنی کو دیا گیا، جو فرنیچر فراہم کئے بغیر پیسے لے گئی ۔ فرم بلوچستان کے 34 اضلاع میں فرنیچر فراہم کرنے کی ذمہ دار تھی تاہم کسی بھی ضلع میں ایک کرسی یا ٹیبل تک نہ مل سکی ، ابتدائی تحقیقات میں سنگین بے ضابطگیوں کی نشاندہی ہوئی ہے ملوث عناصر کے خلاف ایف آئی آر درج کی جاررہی ہے ۔ سرکاری وسائل مال غنیمت سمجھ کر لوٹے گئے قانونی کارروائی عمل میں لائی جائے گی۔ ملوث عناصر سے کوئی رعائیت روا نہیں رکھی جائے گی