پاکستان کیساتھ سی پیک کے تحت سبز توانائی منصوبے جاری ہیں، چینی سفیر

اسلام آباد (انتخاب نیوز) پاکستان میں چین کے سفیر نونگ رونگ نے کہا کہ چین اور پاکستان نے سبز توانائی میں تعاون کو فروغ دیا ہے، سی پیک کے تحت 300 میگاواٹ کی کل صلاحیت کے ونڈ پاور کے پانچ منصوبے مکمل ہو چکے، 300 میگا واٹ کا ایک اور شمسی توانائی کا منصوبہ مکمل ہو چکا ہے، سی پیک کے تحت مزید گرین پراجیکٹس جاری ہیں۔چائنا اکنامک نیٹ کے مطابق ایک ویبینار سے خطاب کرتے ہوئے چین پاکستان اقتصادی راہداری (سی پیک) نے پاکستان میں اعلیٰ معیار کی سبز اور پائیدار ترقی میں اپنا کردار ادا کیا ہے اور یہ ملک میں پائیدار اور سبز ترقی کو فروغ دینے کے لیے اس طرح کے مزید تعاون پر زور دے گا۔ چائنا اکنامک نیٹ کے مطابق اپنے کلیدی خطاب میں پاکستان میں چین کے سفیر نونگ رونگ نے کہا کہ چین اور پاکستان نے سبز توانائی میں تعاون کو فروغ دیا ہے۔ نونگ نے کہاکہ سی پیک کے تحت 300 میگاواٹ کی کل صلاحیت کے ساتھ ونڈ پاور کے پانچ منصوبے مکمل ہو چکے ہیں اور 300 میگا واٹ کا ایک اور شمسی توانائی کا منصوبہ مکمل ہو چکا ہے۔ نونگ رونگ نے انکشاف کیا کہ سی پیک کے تحت مزید گرین پراجیکٹس جاری ہیں،کروٹ ہائیڈرو پاور پلانٹ کامیابی کے ساتھ کمرشل آپریشنز میں داخل ہو چکا ہے اور ایس کے جیسے بڑے ہائیڈرو پاور پراجیکٹس آگے بڑھ رہے ہیں۔ انہوں نے مزید کہا کہ مٹیاری?لاہور پاور ٹرانسمیشن لائن لاسزکو کم کرنے میں مدد ملی ہے۔ لائن لاسز 17 سے 4 فی صد تک، توانائی کے نقصان کو بہت کم کرتا ہے اور کارکردگی کو بہتر بناتا ہے۔چائنا اکنامک نیٹ کے مطابق سفیر نے بتایا کہ سبز اور پائیدار ترقی پاکستان میں روزگار کے بڑے مواقع بھی پیدا کر رہی ہے۔ اعداد و شمار کے مطابق سی پیک نے پاکستان کے لیے 85,000 ملازمتیں پیدا کی ہیں، نونگ نے کہاکہ گوادر بندرگاہ کی تعمیر سے 4،000 ملازمتیں پیدا ہوئی ہیں جن میں سے 3،800 پاکستانیوں نے حاصل کی ہیں۔ چائنا اکنامک نیٹ کے مطابق چین میں پاکستانی سفیر معین الحق نے کی ہے، جنہوں نے سی پیک کو عوام پر مرکوز، سماجی طور پر شامل، ماحول دوست اور سبز اور پائیدار اقدام قرار دیا۔ حق نے کہا کہ حال ہی میں مکمل ہونے والا کروٹ ہائیڈرو پاور پراجیکٹ سی پیک کے صاف، سرسبز وڑن کی ایک مثال ہے اور یہ کہ وہ سی پیک کے مزید منصوبوں کو سرسبز ترقی کے پہلو میں دیکھ کر زیادہ خوش ہیں۔ حق نے کہا کہ سبز ترقی کے فروغ کے ساتھ چین اور پاکستان زراعت، ماحولیات، خوراک، موسمیاتی تبدیلی اور غذائی تحفظ کے شعبوں پر توجہ مرکوز کرنے کے لیے گرین کوریڈور بنانے کے لیے کام کر رہے ہیں۔ ہمارے دونوں فریق اب عملی تعاون کے لیے گرین کوریڈور کے بلیو پرنٹ کو حتمی شکل دینے کے لیے کام کر رہے ہیں اور اس سلسلے میں، زراعت کو تعاون کے ایک اہم شعبے کے طور پر شناخت کیا گیا ہے۔ حق کے مطابق اس مقصد کے لیے ایک دو طرفہ اجلاس اس سال سی پیک پر مشترکہ تعاون کمیٹی (جے سی سی) کے سامنے پیش کیا جائے گا اور بہت سے تحقیقی اداروں، تعلیمی اداروں اور وزارتوں کے تعاون سے ایک ایکشن پلان بھی جاری کیاجائے گا۔ سسٹین ایبل ڈویلپمنٹ پالیسی انسٹی ٹیوٹ (ایس ڈی پی آئی) کے زیر اہتمام سی پیک گرین ڈیولپمنٹ ہائی لیول پالیسی ڈائیلاگ کا مقصد چین اور پاکستان کے اہم اسٹیک ہولڈرز بشمول حکومتوں، سرمایہ کاروں، ریگولیٹرز، ڈویلپرز، اکیڈمی اور سول سوسائٹی کو شامل کرنا، بی آر آئی کے تحت نافذ کیے گئے بڑے اقدامات کی کامیابی اور آگے بڑھنے کا ایک بہتر راستہ تلاش کرنا ہے۔