راولپنڈی سے فوج کا جعلی جنرل بن کر لوگوں کو لوٹنے والا ملزم گرفتار

راولپنڈی (آئی این پی) ایف آئی اے سائبر کرائم سرکل راولپنڈی نے کارروائی کرتے ہوئے فوج کا جعلی جنرل بن کر لوگوں کو لوٹنے والا ملزم گرفتار کر لیا۔ملزم محمد نعمان نے فوج میں ملازمت کا جھانسہ دے کر شہریوں سے پیسے ہتھیائے، ملزم نے خود کو فوج کا جعلی جنرل ظاہر کر کے 28 لاکھ روپے بٹورے، ملزم سے موبائل فونز، غیر قانونی سمز، لیپ ٹاپ، مختلف اداروں کے جعلی سروس کارڈز بھی برآمد کر لیے گئے۔ملزم کے موبائل سے یونیفارم میں لی گئی تصاویر بھی برآمد ہوئی ہیں، اس کے علاوہ موبائل فون سے قابل اعتراض مواد بھی برآمد کیا گیا ہے، ملزم کے خلاف مقدمہ درج کر کے تفتیش شروع کر دی گئی۔