دنیا بھر میں کورونا کے 74 لاکھ 58 ہزار سے زائد کیسز، اموات 4 لاکھ 19 ہزار سے تجاوز کر گئیں

جرمنی :دنیا بھر میں کورونا سے اموات کی تعداد 4 لاکھ 19 ہزار سے تجاوز کر گئی ہے جبکہ متاثرہ افراد کی تعداد 74 لاکھ 58 ہزار 646 ہو گئی ہے۔کورونا وائرس سے صحت یاب ہونے والوں کی تعد 37 لاکھ 51 ہزار سے زائد ہے۔ دنیا بھرمیں کورونا سے متاثرہ 53 ہزار 888 افراد کی حالت تشویشناک جبکہ 32 لاکھ 33 ہزار 772 افراد کی حالت تسلی بخش ہے۔امریکہ میں 24 گھنٹوں کے دوران کورونا وائرس سے مزید 497 اموات ہوئی ہیں اور جاں بحق ہونے والوں کی مجموعی تعداد ایک لاکھ 15 ہزار سے بڑھ گئی ہے۔ امریکہ میں 20 لاکھ 66 ہزار سے زائد افراد میں کورونا وائرس کی تشخیص ہوئی ہے۔برازیل امریکہ کے بعد 6 لاکھ سے زائد کورونا کیسز والا دوسرا ملک بن گیا ہے جہاں گذشتہ 24 گھنٹے کے دوران مزید 204 افراد موت کا شکار ہوئے۔ برازیل میں کیسز کی تعداد 7 لاکھ 75 ہزار تک پہنچ گئی ہے جبکہ 39 ہزار 7 سو سے زائد افراد ہلاک ہوچکے ہیں۔روس میں کورونا سے مزید 216 افراد ہلاک ہوئے جس کے بعد روس میں اموات کی تعداد 6 ہزار 3 سو سے تجاوز کر گئی۔ روس میں کورونا سے متاثرہ افراد کی تعداد 4 لاکھ 93 ہزار سے بڑھ گئی ہے۔برطانیہ میں کورونا نے مزید 245 افراد کی جان لے لی جس کے بعد اموات کی تعداد 41 ہزار 128 سو سے بڑھ گئی جبکہ دو لاکھ 90 ہزار سے زائد افراد کورونا وائرس سے متاثر ہیں۔برطانیہ میں کورونا ٹیسٹ اینڈ ٹریس سسٹم لاگو کردیا گیا ہے اور کورونا مریضوں سے ملاقات کرنے والوں کو آئسولیٹ کیا جا رہا ہے۔اٹلی میں کورونا سے ہلاکتوں کی تعداد 34 ہزار سے تجاوز کر گئی ہے جبکہ دو لاکھ 35 ہزار سے زائد افراد متاثر ہوچکے ہیں۔بھارت میں کورونا سے ہلاک ہونے والے افراد کی تعداد 8 ہزار 1 سو سے بڑھ گئی ہے جبکہ متاثرہ افراد کی تعداد دو لاکھ 87 ہزار سے زیادہ ہو گئی ہے۔جرمنی میں کورونا سے ہلاکتوں کی تعداد 8 ہزار 8 سو سے تجاوز کرگئی ہے جبکہ مجموعی کیسز کی تعداد ایک لاکھ 86 ہزارسے تجاوز کرگئی ہے۔پیرو میں میں کورونا سے ہلاکتوں کی تعداد 5 ہزار نو سو سے زائد جبکہ مجموعی کیسز کی تعداد دو لاکھ آٹھ ہزار سے تجاوز کرگئی ہے۔

اپنا تبصرہ بھیجیں