بیٹے کی خواہشمند خاتون نے تیسری بیٹی کی پیدائش پر ہسپتال کی چھت سے چھلانگ لگادی

لاہور(مانیٹرنگ ڈیسک) بیٹے کی خواہشمند خاتون نے تیسری بیٹی کی پیدائش پر دل برداشتہ ہوکر جنرل ہسپتا ل لاہور کی چھت سے چھلانگ لگا دی۔جنرل اسپتال کی انتظامیہ کے مطابق قصور سے تعلق رکھنے والی حاملہ خاتون کو طبیعت خراب ہونے پر ہسپتا ل لیا گیا تھا۔انتظامیہ کا بتانا ہے کہ خاتون بیٹے کی خواہش مند تھی لیکن تیسری بیٹی کے پیدائش پر افسردہ ہوکر اس نے جنرل ہسپتا ل کی سرجیکل ایمرجنسی سے چھلانگ لگا دی۔ہسپتال انتظامیہ نے بتایا کہ خاتون نے لیبر روم کے واش روم کی کھڑکی سے نیچے چھلانگ لگائی جس کے باعث وہ بری طرح زخمی ہوگئیں اور اب خاتون تشویشناک حالت میں نیورو ایمرجنسی میں داخل ہے۔ ہسپتا ل انتظامیہ نے واقعہ کی انکوائری کے لئے 5 رکنی کمیٹی بنا دی ہے جس کے سربراہ یورولوجی کے پروفیسر ڈاکٹر خضر حیات ہوں گے۔