بھارت معاملے کو سنجیدگی سے لے اور انصاف کی راہ میں رکاوٹ نہ بنے، کینیڈین وزیراعظم

اوٹاوا/واشنگٹن(مانیٹرنگ ڈیسک)کینیڈین وزیراعظم جسٹن ٹروڈو نے واضح کردیا کہ بھارتی ایجنسیاں کینیڈین باشندے کے قتل میں ملوث ہیں، بھارت معاملے کو سنجیدگی سے لے اور انصاف کی راہ میں رکاوٹ نہ بنے۔شہریوں کا تحفظ ریاست کی بنیادی ذمہ داری ہے۔ہماری سرزمین پر کسی بھی ملک کے باشندے کا قتل ناقابل برداشت ہے۔دوسری جانب سکھ رہنما کے قتل پر امریکا نے ایک بار پھر کینیڈا کا ساتھ دینے کا اعلان کردیاہے۔امریکی قومی سلامتی کے مشیر جیک سلیون نے کہا ہے کینیڈا میں سکھ رہنما کا قتل انتہائی قابل تشویش ہے۔انکا مزید کہنا تھا کہ ہم اصولی طور پر کینیڈا کیساتھ کھڑے ہیں چاہے اس سے کوئی ملک متاثر ہو۔وائٹ ہاؤس میں پریس بریفنگ میں ان کاکہناتھاکہ معاملے کو شروع سے ہی انتہائی سنجیدگی سے لے رہے ہیں۔ کینیڈا کیساتھ بھارت کے اعلیٰ حکام کیساتھ بھی رابطے میں ہیں قاتلوں کو کیفرکردار تک پہنچایا جائے۔