پنجاب میں سی ٹی ڈی کی کارروائیاں، 13 مشتبہ افراد گرفتار

راولپنڈی(مانیٹرنگ ڈیسک) سی ٹی ڈی پنجاب نے مختلف شہروں میں کارروائیاں کرتے ہوئے انٹیلی جنس بیسڈ آپریشن کے دوران 13 مشتبہ افرادگرفتار کرلیے۔ترجمان سی ٹی ڈی کے مطابق کارروائیاں لاہور، اٹک، بہاولنگر، جہلم، بہاولپور، شیخوپورہ اور راولپنڈی میں کی گئیں ، اٹک سے 5 اور لاہور سے 3 مشتبہ افراد گرفتار کیے گئے ہیں۔ترجمان کاکہنا ہے کہ مشتبہ افراد کے قبضے سے بارودی مواد ، 29ڈیٹونیٹر، پرائما کارڈ، موبائل فون، اسلحہ ، گولیاں اور نقدی بھی برآمد کی گئی ہے۔ترجمان کے مطابق مشتبہ افراد کی شناخت خورشید، رشید، عرفان، لقمان ، وحید، رضوان، عامر اور واجد وغیرہ کے نام سے ہوئی ہے۔ترجمان سی ٹی ڈی کا کہنا ہے کہ مشتبہ افراد سرکاری دفاتر اور اہم تنصیبات پر حملے کی منصوبہ بندی کر رہے تھے ،مشتبہ افراد کے خلاف مقدمات درج کرکے مزید تفتیش جاری ہے۔سی ٹی ڈی ترجمان کے مطابق رواں ہفتے625 کومبنگ آپریشنز کے دوران 105 مشتبہ افراد گرفتار کیے ، کومبنگ آپریشنز میں 27229افراد سے پوچھ گچھ کی گئی۔