عالمی بینک کاوزراءکونسل کی تشکیل کا مطالبہ کھلی مداخلت ہے، رضا ربانی

اسلام آباد (این این آئی)سابق چیئرمین سینیٹ میاں رضا ربانی نے کہاہے کہ پاکستان کے پاس عالمی مالیاتی اداروں کی شکل میں نئے نوآبادیاتی آقا ہیں،مالیاتی سامراج نے سب سے پہلے پاکستان کی مالی خودمختاری پر مشتمل اپنی شرائط قبول کرائیں۔ اپنے بیان میں رضا ربانی نے کہاکہ اب وہ پاکستان کو راج کا حصہ سمجھتے ہیں اور سیاسی اور آئینی انتظامات کا حکم دیتے ہیں، آج ورلڈ بینک نے تجویز دی ہے کہ ایک ”قومی وزرائ کونسل“ہونی چاہیے،ورلڈ بنک نے یہ بھی کہا ہے کہ وفاقی کابینہ اور ای سی سی کے فیصلے اب پابند نہیں ہیں۔انہوںنے کہاکہ ورلڈ بینک کا کہنا ہے کہ سی سی آئی اور این ای سی کو مزید موثر بنایا جائے۔ انہوںنے کہاکہ یہ ایک آزاد ریاست کی حکمرانی میں کھلی اور کھلی مداخلت ہے۔انہوںنے کہاکہ چند روز قبل آئی ایم ایف تجویز دے رہا تھا کہ کن کلاسوں کو ٹیکس نیٹ میں شامل کیا جائے اور کن کو شامل نہ کیا جائے۔انہوںنے کہاکہ جس انداز میں سفارت کار تزویراتی علاقوں کا دورہ کر رہے ہیں اور ملک کے اندرونی معاملات پر تبصرہ کر رہے ہیں انہوںنے کہاکہ اس سے یہ یقین ہوتا ہے کہ ایسٹ انڈیا کمپنی کی ایک نئی شکل نے پاکستان پر حملہ کر دیا ہے، انہوںنے کہاکہ اشرافیہ خاموش تماشائی بن کر دیکھ رہی ہے، ہو سکتا ہے کہ نئے ماسٹرز ان کے مفادات کا تحفظ کیا جائے۔