مطالبات منظور نہیں ہوئے تو ریڈزون یا اسمبلی کا گھیراؤ کریں گے،ہیلتھ گرینڈ الائنس

کوئٹہ: ہیلتھ گرینڈ الائنس چیئرمین ڈاکٹر بہار شاہ و دیگر نے کوئٹہ میںپریس کانفرنس کرتے ہوئے کہا کہ گزشتہ ایک ماہ سے احتجاج کررہے ہیں ،گزشتہ ایک ماہ سے مزاکرات کے مختلف ادوار ناکام رہیں،اپنے ہی ہسپتال فروخت کرنے کی پالیسی سمجھ نہیں آتی،ڈاکٹر بہار شاہ کا کہنا تھا کہ حکومتی عہدے دار چاہتے ہیں کہ ہسپتال اپنے بندوں کو پرائیویٹ طور پر فروخت کردیں ۔ڈاکٹر بہار شاہ کا کہنا تھا کہ وزیر اعلیٰ بلوچستان سرفراز نے گڑھی خدا بخش میں تقریب میں کہا کہ گھر گھر روزگار دینگے جبکہ یہاں بےروزگار کررہے ہیں ۔وزیر اعلیٰ بلوچستان ہیلتھ میں لوگوں کو کنٹریکٹ پر بھرتی کررہے ہیں ۔بلوچستان کیلئے روزگار صفر جبکہ کچھ بھرتیاں کنٹریکٹ پر کررہے ہیں ۔ڈیرہ بگٹی میں وزیر اعلیٰ نے ہسپتال کو 85 کروڑ میں پرائیویٹ کمپنی کو فروخت کردیا ہے ۔اپنے اداروں کو بچانے کیلئے ہر حد تک جائیں گے۔ڈاکٹر بہار شاہ کا کہنا تھا کہ ہائیکورٹ نے طلب کیا ہے اخبارات کے زریعے علم ہوا خود کورٹ پیش ہونگے۔تمام اضلاع کے ڈاکٹرز سے کہتاہوں کہ کوئٹہ پہنچ کر کورٹ میں مسائل بیان کریں۔ پیپلزپارٹی ہسپتالوں کو فروخت کرنے والے وزیر اعلیٰ بلوچستان کا جواب دے،اگر مطالبات منظور نہیں ہوئے تو ریڈزون یا اسمبلی کا گھیراؤ کرینگے،پیر کو کورٹ جاکر اپنے مسائل بیان کرینگے ۔جمہوری طریقے سے احتجاج جاری رکھے گے ۔