بلوچ یکجہتی کمیٹی کا کریمہ بلوچ کے قتل کیخلاف احتجاج کرنے والوں کو دھمکی دینے کیخلاف گرینڈ احتجاج کا اعلان

کوئٹہ (انتخاب نیوز )بلوچ یکجہتی کمیٹی کی رہنمائوں کا بانک کریمہ بلوچ کے قتل کیخلاف احتجاجی مظاہرئوں میں شرکت کرنے والے مظاہرین کو دھمکی دینے کیخلاف گرینڈ احتجاج کا اعلان ان خیالات کا اظہار بلوچ یکجہتی کمیٹی کی رہنمائوں نے کوئٹہ میں پریس کانفرنس کرتے ہوئے کیا،انہوں نے کہا کہ بانک کریمہ بلوچ کے قتل کیخلاف جو ملک گیر احتجاج کا سلسلہ شروع کیا گیا تھا بلوچستا ن کے مختلف حصوں میں احتجاجی مظاہروں کو روکنے کیلئے اوچھے ہتھکنڈے استعمال کئے جارہے ہیں جیسے کے گوادر ،پسنی ،آواران اورکوئٹہ میں مظاہرین نے جو شرکت کرنے والے تھے ان کے گھروں پر چھاپے مارے گئے اورا ن کو تنبیہہ کی گئی کہ کریمہ بلوچ کے قتل کیخلاف شرکت کرنے سے گریز کریں بانک کریمہ بلوچ کے آبائی گائوں میں بھی احتجاج کو روکنے کی کوشش کی گئی اور جھائو میں احتجاجی مظاہرے کو منسوخ کیا گیا ہم انسانی حقوق کے عالمی اداروں سے سے اپیل کرتے ہیں کہ وہ بلوچستان میں آزادی اظہار رائے پر جوقدغن ہے اس کا نوٹس لیں اور بلوچوں پر ہونے والے مظالم کو اجاگر کریں اس سلسلے میں ہم لوگ ایک گرینڈ احتجاج کا سلسلہ شروع کررہے ہیں ہم جس کا آغازآئندہ سال کے 2 جنوری 2021 سے کوئٹہ کے احتجاجی مظاہرہ سے شرو ع کیا جائے گا یہ احتجاج ملک گیر ہوگا بلوچ یکجہتی کمیٹی کے رہنمائوں نے بتایا کہ بانک کریمہ بلوچ کےقتل کے حو الے سے ٹورنٹو پولیس نے مزید پیش رفت نہیں کی ہے جو ابتدائی رپورٹ دی گئی تھی کہ یہ نان کرائمنل کیس ہے اس کے بعد لاش لواحقین کو فراہم نہیں کی گئی ہے امکان ہے کہ بانک کریمہ بلوچ کی تدفین ان کے آبائی گائوں میں کی جائے گی ۔