گرمی کی خطرناک لہر، اسکولوں کے اوقات کار تبدیل

اسلام آباد(مانیٹرنگ ڈیسک)وفاقی وزارت تعلیم نے اسکول اوقات میں مزید کمی کی ہے۔ سیکریٹری ایجوکیشن محی الدین وانی کے مطابق کل سے تعلیمی ادارے 7:30 سے 11:30 تک کھلیں گے جبکہ اسمبلی اور سپورٹس پیریڈ نہیں ہوں گے۔اس سے قبل اوقات کار 7:30 سے 1:00 بجے تک کیے گئے تھے۔دوسری جانب محکمہ تعلیم خیبر پختونخوا کے مطابق اسکول صبح 8 بجے کے بجائے 7 بجے کھلیں گے جبکہ پرائمری سیکشن کی چھٹی 11 بجے، مڈل، ہائی اور ہائیر اسکینڈری اسکولوں کی چھٹی 12 بجے ہوگی۔پرائمری اسکولوں کی گرمی کی چھٹیاں یکم جون سے 31 اگست تک ہوں گی جبکہ مڈل، ہائی اور ہائیر اسکینڈری اسکولوں کی چھٹیاں 15 جون سے 31 اگست تک ہوں گی۔ سرمائی علاقوں کے اسکولوں میں یکم جولائی سے 31 اگست تک چھٹیاں ہوں گی۔