امریکا چند دنوں میں بگرام ائیربیس افغان فورسزکے حوالے کردیگا، افغان عہدیدار

کابل :افغان سیکورٹی عہدیدار کا کہنا ہے کہ امریکا آئندہ 20 دن میں بگرام ائیربیس افغان فورسزکے حوالیکرنا شروع کردیگا۔

غیر ملکی میڈیا کے مطابق امریکی عہدیدار کی جانب سے بھی افغان حکام کے اس بیان کی تصدیق کی گئی ہے تاہم اس حوالے سے کوئی حتمی تاریخ نہیں دی گئی۔

خیال رہے کہ بگرام ائیربیس 1980 کی دہائی میں سابق سویت یونین نے تعمیرکی تھی، بگرام ائیربیس امریکی اور نیٹو افواج کے زیراستعمال رہنے والا سب سے بڑا فوجی اڈہ بھی ہے۔