اسرائیل نے دنیا کے سب سے پرانے قیدی کو 40 برس بعد رہا کر دیا

بیت المقدس(مانیٹرنگ ڈیسک) اسرائیلی حکومت نے دنیا کے سب سے پرانے قیدی کو رہا کر دیا۔ میڈیا رپورٹس میں بتایا گیا ہے کہ اسرائیلی حکام نے 66 سالہ کریم یونس کو تل ابیب کے شمال میں واقع جیل سے جمعرات کی صبح رہا کیا۔ کریم یونس کو مقبوضہ گولان ہائٹس پر اسرائیلی فوجی کو قتل کرنے کے الزام میں 1983ءمیں گرفتار کیا تھا۔ رہائی کے موقع پر عوام اور ان کے دوستوں کی بڑی تعداد جیل کے باہر موجود تھی۔ رہائی کے بعد عرب میڈیا کو انٹرویو میں کریم یونس نے کہا کہ مجھے آزاد کر دیا گیا‘ لیکن میںاپنے پیچھے دیگر قیدیوں کو چھوڑ آیا ہوں۔ مجھے امید ہے کہ ہم جلد ان تمام قیدیوں کی رہائی کی بھی خوشی منائیں گے۔