بلوچستان کے نگران وزیراعلیٰ کیلئے اعجاز سنجرانی، عنایت اللہ کاسی، سردار اسد مینگل کے ناموں پر غور

کوئٹہ (انتخاب نیوز) بلوچستان کے نگران وزیراعلیٰ کےلئے تین ناموں پر غور، 2 نے معذرت کرلی۔ بلوچستان کی نگران کابینہ کےلئے حکومت اور اپوزیشن جماعتوں میں مشاورت کا آغاز۔ بلوچستان کی نگران کابینہ میں 10 صوبائی وزرا بھی شامل ہوں گے۔ حکومت اتحادیوں کی جانب سے وزارت اعلیٰ کےلئے 2 ناموں پر غور کررہی ہے۔ حکومت کی جانب سے پیش کردہ دونوں سیاسی شخصیات نے نگران وزیراعلیٰ بننے سے معذرت کرلی۔ حکومت کی جانب سے چیئرمین سینیٹ کے بھائی اعجاز سنجرانی اور ملک عنایت اللہ کاسی کے نام پیش کیے گئے۔ میر اعجاز سنجرانی چاغی سے صوبائی اسمبلی کی نشست پر انتخاب لڑیں گے۔ ملک عنایت کاسی نے ذاتی مصروفیات کی وجہ سے نگران وزیراعلیٰ بننے سے معذرت کی۔ دونوں سیاسی رہنماﺅں کی جانب سے معذرت کے بعد بی اے پی نے اتحادیوں سے دوبارہ مشاورت شروع کردی۔ نگران وزیراعلیٰ کےلئے اپوزیشن جماعتوں کی جانب سے سردار اسد مینگل کے نام پر بھی غور کیا جارہا ہے۔ نگران کابینہ میں جمعیت علما اسلام کی نمائندگی کےلئے 3 نگران وزراءبھی لیے جائیں گے۔ نگران کابینہ میں سماجی و کاروباری شخصیات کے نام بھی شامل ہوں گے۔ آئندہ ہفتے موجودہ اسمبلی کا آخری سیشن طلب کیا جائیگا۔ اسمبلی اجلاس کے اختتام سے قبل ہی نگران کابینہ کے لیے ناموں کا حتمی فیصلہ کیا جائیگا۔