غزہ کی بحالی کیلئے 40 ارب ڈالر درکار ہوں گے، اقوام متحدہ

نیویارک (مانیٹرنگ ڈیسک) اقوام متحدہ کا کہنا ہے کہ اسرائیلی حملوں سے تباہ ہونے والے غزہ کی بحالی کیلئے 40 ارب ڈالر درکار ہونگے۔ اقوام متحدہ کے مطابق غزہ میں اسرائیلی حملوں کے نتیجے میں جو تباہی ہوئی وہ جنگ عظیم دوئم کے بعد سے اب تک کی سب سے بڑی تباہی ہے جس میں ہونے والا جانی نقصان انتہائی غیر معمولی ہے جس کی جنگ عظیم دوئم کے بعد سے کوئی مثال موجود نہیں۔ دوسری جانب عرب میڈیا کا بتانا ہے کہ اسرائیلی فوج نے جمعہ کے روز رفح میں ایک گھر پر بمباری کی جس کے نتیجے میں 6 افراد جاں بحق ہوئے جن میں 4 بچے بھی شامل ہیں۔ مقامی میڈیا کے مطابق مقبوضہ بیت المقدس میں قابض درجنوں اسرائیلوں نے نواحی علاقے جبال العرما پر دھاوا بول دیا جس کے باعث علاقے میں وارننگ سائرن بھی بجائے گئے۔