گوادر میں آن لائن خدمات کی فراہمی کیلئے ون ونڈو سہولت کے اقدامات کا آغاز

گوادر (نمائندہ انتخاب) ڈائریکٹر جنرل گوادر ڈویلپمنٹ اتھارٹی مجیب الرحمن قمبرانی کی ہدایت پر جی ڈی اے نے ون ونڈو سہولت اور گورننس ماڈل کے تحت لوگوں کو پیپر لس آن لائن خدمات فراہم کرنے کیلئے اقدامات شروع کردیے ہیں۔ گوادر کی تیز ترین ترقی کے پیشِ نظر اور سائنس وٹیکنالوجی کے جدید دورمیں جی ڈی اے ڈیجیٹلائزشن کے انقلابی منصوبے کا آغاز کررہی ہے جس کا مقصد تعمیراتی این او سی، ٹاﺅن پلاننگ، لینڈ مینجمنٹ سسٹم، ای ٹینڈرنگ سمیت مختلف خدمات آن لائن فراہم کرنا ہے۔ ای سروسز کے تحت بلڈرز ڈویلپرز اور ان کے کلائنٹ کو رہائشی منصوبوں کی معلومات تک رسائی حاصل ہوگی جس سے نہ صرف شفافیت کا عمل یقینی ہوگا بلکہ گوادر کی تیز ترین ترقی میں بااعتماد سرمایہ کاری کو فروغ ملے گی۔ اس سلسلے میں جی ڈی اے کے شعبہ انفارمیشن ٹیکنالوجی اور نجی فرم عثمانی کنسلٹنٹ کے ساتھ گفت و شنید کا آغاز کردیا گیا ہے۔ جی ڈی اے بلوچستان میں آن لائن اور ڈیجیٹلائزش کے خدمات فراہم کرنے والا پہلا ادارہ ہوگا جو کہ سرمایہ کاری، لینڈ ریکارڈ، ٹاو¿ن پلاننگ، تعمیراتی اجازت نامہ اور معلومات تک رسائی کیلئے آن لائن خدمات فراہم کریگی۔