احساس ڈیجیٹل سیکورٹی کیلئے ہیکرز کی خدمات حاصل کریگا،ثانیہ نشتر

اسلام آباد(نمائندہ خصوصی) وزیر اعظم کی معاون خصوصی ڈاکٹر ثانیہ نشتر نے بی آئی ایس پی بورڈ کی رسک اشورنس اینڈ مینجمنٹ، اور آڈٹ کمیٹیوں کے مشترکہ اجلاس کی صدارت کی جس میں متعدد ایجنڈا آئٹمز زیر بحث آئے۔ احساس کے آپریشنز ڈیجیٹل نظام پر مبنی ہیں، لہذا آئی ٹی حفاظتی اقدامات کو یقینی بنانا بے حد اہم ہے؛ ڈاکٹر ثانیہ نے کمیٹی کے ممبروں کو آگاہ کرتے ہوئے کہا کہ گذشتہ 2سالوں میں اس سلسلے میں آئی ٹی نظام کو مضبوط بنانے کیلئے 100 سے زائد اقدامات اٹھائے گئے ہیں۔ انہوں نے کہا کہ ہم ان مسائل کے حل کیلئے ہیکرز کی خدمات حاصل کریں گے۔ احساس پبلک سیکٹر کا پہلا ادارہ ہوگا جس نے ولنر ایبلیٹی ڈسکلوزر پالیسی (وی ڈی پی) کو نافذ کرنے کا ارادہ کیا ہے جس کا مقصد ہیکرز کو ممکنہ طور پر نامعلوم اور نقصان دہ حفاظتی خطرات کو پیش کرنے کیلئے واضح رہنماخطوط فراہم کرنا ہے۔رسک کمیٹی بنیادی طور پر انٹرنل اور ایکسٹرنل آڈٹ، احساس رسک رجسٹری، دھوکہ دہی اور بدعنوانی کے فریم ورک، تنظیم کے اندرحفاظتی اقدامات پر عمل درآمد اور سائبر کنٹرول ونگ کے قیام پر مرکوز ہے۔ اس کے علاوہ، احساس گورننس، دیانت داری پالیسی اور آبزرویٹری پر بات چیت کی گئی اور کس طرح سے یہ ادارہ 23اشاریے اور بی آئی ایس پی کی کارکردگی کا اندازہ کرنے کیلئے کام کررہا ہے