سرگودھا میں خاتون کا شوہر پر تشدد، تیز دھار آلے سے قتل

سرگودھا (این این آئی)سرگودھا میں خاتون نے بیٹے اور بھائی کے ساتھ مل کر شوہر کو قتل کردیا اور لاش کینو کے باغ میں پھینک دی۔پولیس نے لاش ملنے پر واقعہ کی تفتیش کی تو دوران تفتیش ملزمان نے قتل کا اعتراف کر لیا۔ پولیس کے مطابق لاش تحویل میں لے کر واقعے کی تحقیقات کی تو مقتول کی بیوی پر شک ہوا، دوران تفتیش میاں بیوی کے درمیان روز کسی نہ کسی بات پر جھگڑا ہوتا تھا جس پر قتل کی واردات کی گئی۔پولیس نے کہا کہ مقتول کو ڈنڈوں سے تشدد کا نشانہ بنانے کے بعد تیز دھار آلے سے قتل کیا گیا ہے، واقعہ کی مزید تحقیقات کی جا رہی ہیں۔