کراچی، چینی دندان ساز کے کلینک پر فائرنگ، ایک شخص ہلاک، دو افراد زخمی

کراچی (انتخاب نیوز) صدر کے علاقے میں چینی داندن ساز کے کلینک میں فائرنگ کے نتیجے میں ایک شخص ہلاک، دو افراد زخمی ہوگئے۔ سینئر سپرنٹنڈنٹ آف پولیس ساﺅتھ ریجن کا کہنا ہے کہ فائرنگ کے واقعے میں ڈاکٹر ایچ یو رچرڈ کا ملازم رونالڈ رائمنڈ چاﺅ ہلاک ہوا۔ ایس ایس پی کے مطابق فائرنگ سے چینی ڈاکٹر ایچ یو رچرڈ اور ان کی اہلیہ مارگریٹ زخمی ہوئی ہیں۔ پولیس کا کہنا ہے کہ حملہ آور مریض بن کر کلینک میں آیا اور اپنی باری آنے پر ڈاکٹر پر فائرنگ کردی۔ زخمیوں کو اسپتال منتقل کردیا گیا ہے، واقعے کی مزید تحقیقات کی جارہی ہیں۔