شمالی وزیرستان میں پولیو ٹیم پر تخریب کاروں کی فائرنگ، سیکورٹی اہلکار جاں بحق

راولپنڈی (مانیٹرنگ ڈیسک) شمالی وزیرستان میں پولیو ٹیم پر تخریب کاروں کی فائرنگ۔ آئی ایس پی آر کے جاری بیان کے مطابق شمالی وزیرستان میں پولیو ٹیم پر اسپن وام کے علاقے میں فائرنگ کی گئی۔ آئی ایس پی آر کی جانب سے بتایا گیا ہے کہ تخریب کاروں نے فائرنگ پولیو مہم متاثر کرنے کیلئے کی، پولیو ٹیم کو تحفظ فراہم کرنے کیلئے سیکورٹی تعینات کی گئی ہے۔ پولیو ٹیم کو بحفاظت علاقے سے نکال لیا گیا، فائرنگ کے تبادلے کے دوران سیکورٹی فورسز کا اہلکار سپاہی ثاقب الرحمن جاں بحق ہوگیا، فورسز کی جانب سے علاقے میں کلیئرنس آپریشن جاری ہے۔