رفح میں اسرائیلی آپریشن روکنے کیلئے عالمی عدالت انصاف کے فیصلے پر سعودی عرب کا خیر مقدم

ریاض (صباح نیوز)سعودی عرب نے رفح میں اسرائیلی آپریشن روکنے کے عالمی عدالت انصاف(آئی سی جے)کے فیصلے کا خیر مقدم کیا ہے۔سعودی وزارت خارجہ نے بیان میں کہا کہ فیصلہ فلسطینیوں کے اخلاقی اور قانونی حق کی جانب مثبت قدم ہے ، اس قسم کے عالمی فیصلوں میں تمام فلسطینی علاقوں کو شامل کیا جانا چاہیے۔دوسری جانب برطانیہ اور امریکا آئی سی جے کے فیصلے سے پہلے ہی اسرائیل کی حمایت کا اعلان کرچکے ہیں۔اسرائیلی حکومت کے ترجمان ڈیوڈ مینسر نے عدالتی فیصلے پر کہا ہے کہ دنیا کی کوئی طاقت ہمیں عوامی طور پر خودکشی کرنے پر مجبور نہیں کر سکتی۔