دو سال پرانی تقریر کو اپڈیٹ کرکے جاری کرنے پر سعد رفیق کا قانونی کارروائی کا اعلان

لاہور (آئی این پی ) مسلم لیگ (ن)کے رہنما خواجہ سعد رفیق نے اپنی پرانی تقریر کو ایڈٹ کرکے جاری کرنے پر قانونی چارہ جوئی کا اعلان کیا ہے۔ خواجہ سعد رفیق نے کہا کہ کہا پی ٹی آئی والوں نے ان کی تقریبا 2 سال پرانی تقریر کو ایڈیٹ کیا ہے جس سے تقریر کا مطلب ہی بدل گیا ہے۔ لیگی رہنما کا کہنا تھا کہ فراڈ، جھوٹ اور سازش میں پی ٹی آئی کا کوئی ثانی نہیں ہے، اس غیر قانونی عمل پر وفاقی تحقیقاتی ادارے (ایف آئی اے) کے ذریعے قانونی چارہ جوئی کی جائیگی۔