پی ایس ایل 7,اسلام آباد کا کوئٹہ گلیڈی ایٹرز کو جیت کیلئے 200 رنز کا ہدف
پاکستان سپر لیگ (پی ایس ایل) کے ساتویں ایڈیشن کے 18 ویں میچ میں اسلام آباد یونائیٹڈ نے کوئٹہ گلیڈی ایٹرز کو جیت کیلئے 200 رنز کا ہدف دے دیا۔
لاہور کے قذافی اسٹیڈیم میں کھیلے جارہے میچ میں کوئٹہ کے کپتان سرفراز احمد نے ٹاس جیت کر اسلام آباد کو بیٹنگ کی دعوت دی۔
اسلام آباد یونائیٹڈ کی جانب سے اننگز کا آغاز مستحکم رہا تاہم 48 کے مجموعی رنز پر پہلی وکٹ گری اور رحمان اللہ گرباز 19 رنز بنا کر آؤٹ ہوئے۔
یونائیٹڈ کی وکٹیں مسلسل گرتی رہیں تاہم الیکس ہیلز اور فہیم اشرف نے ذمہ دارانہ اننگز کھیلیں۔
دونوں بلے بازوں کی شاندار بیٹنگ کی بدولت اسلام آباد یونائیٹڈ نے مقرر اوورز میں 8 وکٹوں کے نقصان پر 199 رنز بنائے۔
الیکس ہیلز 62 اور فہیم اشرف 55 رنز بناکر نمایاں رہے۔ کوئٹہ کی جانب سے شاہد آفریدی اور جیمز فالکنر نے 2 ،2 کھلاڑیوں کو آؤٹ کیا جبکہ نسیم شاہ اور نور احمد نے ایک ایک وکٹ حاصل کی۔
اس موقع پر سرفراز کا کہنا تھاکہ نواز ٹیم میں نہیں، بہت مس کریں گے اور ان کی جگہ عمر اکمل کو ٹیم میں شامل کیا ہے۔
