نواز شریف اور مریم نوازجینوا روانہ

لندن: سابق وزیراعظم نواز شریف اور مریم نواز جنیوا روانہ ہو گئے، دونوں رہنما جنیوا میں تقریبا ایک ہفتہ قیام کریں گے۔ سابق وزیر اعظم کی جنیوا میں معالج سے بھی ملاقات متوقع ہے، نواز شریف کے ساتھ خاندان کے مزید دو افراد بھی جنیوا گئے، ان کی وہاں چند ذاتی ملاقاتیں بھی متوقع ہیں۔ وزیراعظم پاکستان اور ان کے بھائی شہباز شریف بھی اتوار کو جنیوا پہنچ رہے ہیں۔ نواز شریف اور شہباز شریف کی جنیوا میں ملاقات متوقع ہے، وزیراعظم پاکستان اقوام متحدہ کی ڈونر کانفرنس میں شرکت کیلئے جنیوا کا دورہ کریں گے، اقوام متحدہ کے زیراہتمام پاکستان ڈونرز کانفرنس 9 جنوری کو جنیوا میں ہو رہی ہے۔جبکہ وفاقی وزیراطلاعات مریم اورنگزیب نے کہاہے کہ مریم نواز سرجری کے لئے لندن سے جنیوا روانہ ہوگئی ہیں۔ ٹویٹر پر جاری پیغام میں مریم اورنگریب کا کہنا تھاکہ قائد مسلم لیگ نون نواز شریف بھی مریم نواز کے ہمراہ ہیں۔انہوں نے کہاکہمریم نواز جنوری کے تیسرے ہفتے میں وطن واپس پہنچ کر پارٹی کی چیف آرگنائزر کی ذمہ داریاں سنبھالیں گی۔زرائع کے مطابق وزیراعظم شہباز شریف کلائمیٹ کانفرنس کی سربراہی کے لئے 9 جنوری کو جنیوا روانہ ہوں گے،جنیوا میں نواز شریف اور شہباز شریف کی ملاقات بھی ہوگی۔