وزیراعظم سے وزیراعلیٰ پنجاب کی ملاقات، صوبے کے انتظامی و سیاسی امور پر تبادلہ خیال

لاہور: وزیراعظم عمران خان سے وزیراعلی پنجاب عثمان بزدار نے ملاقات کی جس کے دوران سینیٹ الیکشن کی تیاریوں اورصوبے کے سیاسی و انتظامی امور پر تبادلہ خیال کیا گیا۔ عمران خان نے عوامی ریلیف کے منصوبے جلد مکمل کرنے کی ہدایت کی۔

وزیراعظم عمران خان صحت کے شعبے میں حکومت پنجاب کے اقدامات بارے اجلاس کی بھی صدارت کریں گے، وزیر صحت ڈاکٹر یاسمین راشد اورمتعلقہ حکام ان کو بریف کریں گے۔ عمران خان کو خوراک کے شعبے میں حکومتی اقدامات سے بھی آگاہ کیاجائے گا۔ وزیر خوراک علیم خان، وزیراعظم کو متعدد امور اور گندم کی امدادی قیمت بارے تفصیلی طور پر آگاہ کریں گے۔

وزیر اعظم آج جیلانی پارک بھی جائیں گے جہاں انہیں ماحولیاتی آلودگی کے چیلنج سے نمٹنے کے لئے میواکی جنگل منصوبے پر بریف کیا جائےگا۔ عمران خان جیلانی پارک میں میواکی جنگل منصوبے کا افتتاح بھی کریں گے۔