وزیراعظم ہاﺅس میں سیاسی جماعتوں اور اراکین پارلیمنٹ کیلئے ان کیمرا بریفنگ، تحریک انصاف کا کوئی رکن شریک نہیں

اسلام آباد (ویب ڈیسک) پاکستان اور افغانستان کے درمیان ہونے والی سرحدی کشیدگی اور امریکا و اسرائیل کی ایران کے ساتھ جنگ کے بعد خطے کی صورت حال کے لیے وزیراعظم ہاﺅس میں سیاسی جماعتوں اور اراکین پارلیمنٹ کو ان کیمرا بریفنگ دی جا رہی ہے۔ ذرائع کا بتانا ہے کہ وزیراعظم ہاﺅس میں سیاسی جماعتوں اور اراکین پارلیمنٹ کیلئے ان کیمرا بریفنگ شروع ہو گئی ہے، ان کیمرا بریفنگ میں اپوزیشن جماعت تحریک انصاف کا کوئی رکن شریک نہیں ہے۔ ذرائع کے مطابق پیپلز پارٹی،جے یو آئی ف، متحدہ قومی موومنٹ پاکستان اور بلوچستان عوامی پارٹی کے اراکین بریفنگ میں شریک ہیں۔ ذرائع کا کہنا ہے کہ پارلیمانی رہنماﺅ¿ں اور سیاسی قیادت کو دفتر خارجہ کے حکام، خارجہ صورتحال پر مفصل بریفنگ دیں گے، سیکورٹی حکام ایران اسرائیل تنازع اور پاک افغان سرحد پر سیکورٹی صورتحال پر بریفنگ دیں گے۔ خیال رہے کہ پاکستان تحریک انصاف نے گزشتہ روز فیصلہ کیا تھا کہ عمران خان سے ملاقات تک کسی حکومتی میٹنگ میں شریک نہیں ہوں گے۔