لاہور، نامعلوم افراد کی فائرنگ سے نوجوان جاں بحق

لاہور:لاہور کے علاقے شاہدرہ میں نامعلوم افراد کی فائرنگ سے نوجوان جاں بحق ہو گیا۔پولیس کے مطابق شاہدرہ کے علاقے میں واقع یوسف پارک کے قریب فیضان گجر نامی شخص اپنے تایا سے ملنے ان کے گھر آیا ہوا تھا۔رات گئے نامعلوم افراد آئے جنہوں نے فائرنگ کر کے فیضان گجر کو ہلاک کر دیا۔

مقتول کی لاش کو پوسٹ مارٹم کے لیے مردہ خانے منتقل کر دیا گیا ہے۔پولیس کا کہنا ہے کہ قتل کے محرکات اور قاتلوں کا جلد پتہ لگا لیں گے۔