ٹریسنگ ٹیسٹنگ کورنٹاین پالیسی کے تحت زیادہ ٹیسٹ کرنے کی پالیسی پر عمل درآمد جاری ہے، ڈاکٹر ظفر مرزا

اسلام آباد:معاون خصوصی برائے صحت ڈاکٹر ظفر مرزا اور فرسٹ لیڈی آف پاکستان ثمینہ عارف علوی نے ٹی ٹی کیو سنٹر ڈی ایچ او آفس کا دورہ کیا،ڈاکٹر ظفر مرزا اور فرسٹ لیڈی کو کرونا وائرس سے نمٹنے کیلئے ٹی ٹی کیو کے منصوبے پر تفصیلی بریفنگ دی گئی۔ترجمان وزارت صحت کے مطابق ڈاکٹر ظفر مرزا نے کہاکہ کرونا وائرس سے بچاؤ کیلئے موثر اقدامات کو یقینی بنارہے ہیں، ٹی ٹی کیو منصوبے کے تحت آئی سی ٹی کی ٹیمیں مستعدی سے کام کر رہی ہیں۔ڈاکٹر ظفر مرزا نے کہاکہ ٹریسنگ ٹیسٹنگ کورنٹاین پالیسی کے تحت زیادہ ٹیسٹ کرنے کی پالیسی پر عمل درآمد جاری ہے۔ ڈاکٹر ظفر مرزا نے کہاکہ قومی ایکشن پلان کے تحت پورے پاکستان میں اس پالیسی بر عمل کیا جارہا ہے،اسلام آباد میں سولہ ٹیمیں فیلڈ میں کام کر رھی ہیں۔ انہوں نے کہاکہ یہ ٹیمیں گھروں اور بازاروں میں جا کر کرونا وائرس کے روابط کے ٹیسٹ کرتی ہیں،3300 زائد روابط کے ٹیسٹ آئی سی ٹی میں اب تک کیے ہیں۔ڈاکٹر ظفر مرزا نے کہاکہ اسلام آباد میں 759 کیسز پازیٹو ہیں جن میں سے 256 کیسز کو ٹی ٹی کیو نے ٹریس کیا ہے،وزارت ہیلتھ نے بیس سے زاید گائیڈ عوام کی آگاہی کیلئے جاری کی ہیں۔ڈاکٹر ظفر مرزا نے کہاکہ منصوبہ کے تحت بیس ہزار کا ہدف روزانہ کی بنیاد پر مقرر کیا ہے ترجمان کے مطابق بعد ازاں فرسٹ لیڈی آف پاکستان نے پی پی ایز ٹی ٹی کیو کے سٹاف کو عطیہ کے طور پر دئیے۔ ثمینہ عارف علوی نے کہاکہ ڈینگی کے خاتمے کیلئے ڈی ایچ او آفس موثر اقدامات کر رہا ہے