کراچی ٹیسٹ کا چوتھا روز، قومی ٹیم نے 2 وکٹوں کے نقصان پر 77 رنز بنا لیے

کراچی (انتخاب نیوز) کراچی ٹیسٹ میچ کے چوتھے دن کا کھیل ختم، قومی ٹیم نے 2 وکٹوں کے نقصان پر 77 رنز بنالیے جبکہ مہمان ٹیم کی برتری ختم کرنے کے لیے مزید 97 رنز درکار ہیں۔نیشنل اسٹیڈیم میں کھیلے جارہے پہلے ٹیسٹ میچ کے چوتھے دن کے کھیل کا آغاز نیوزی لینڈ کی جانب سے کین ولیمسن اور اش سوڈھی نے کیا تھا۔ دونوں نے محتاط انداز میں بیٹنگ جاری رکھتے ہوئے 154 رنز کی شراکت بنائی جہاں سوڈھی 64 رنز بنا کر 595 کے مجموعے پر آو¿ٹ ہوئے۔ ان کے آو¿ٹ ہونے کے بعد آنے والے تینوں کھلاڑیوں نے تو کوئی رن نہیں بنایا لیکن بلیک کیپس کی جانب سے کین ولیمسن اس دوران اپنی ڈبل سنچری مکمل کرنے میں کامیاب ہوئے۔ یہ ان کے کیریئر کی پانچویں ڈبل سنچری ہے۔ کین ولیمسن کی ڈبل سنچری کے بعد نیوزی لینڈ نے اپنی پہلی اننگز 612 رنز 9 کھلاڑی آو¿ٹ پر ڈکلیئر کردی تھی، اس نے پاکستان ٹیم پر 174 رنز کی برتری حاصل کی تھی۔ اس کے علاوہ ٹام لیتھم 113، ڈیون کونوے 92، اش سودی 65، ٹام بلینڈل 47 اور ڈیرل مچل نے 42 رنز بنا کر آو¿ٹ ہوئے۔ پاکستان کے ابرار احمد نے 5 وکٹیں حاصل کیں جبکہ نعمان علی نے 3 اور محمد وسیم نے ایک کھلاڑی کو آو¿ٹ کیا۔ قومی کرکٹ ٹیم کے کپتان بابر اعظم مکمل فٹ ہونے کے بعد میدان میں موجود تھے۔