بنگلہ دیش کی عبوری حکومت کل حلف اٹھائے گی، آرمی چیف
ڈھاکہ (مانیٹرنگ ڈیسک)بنگلہ دیش میں شیخ حسینہ واجد کی حکومت کے خاتمے کے بعد قائم کی گئی عبوری حکومت کے موجودہ سربراہ آرمی چیف جنرل وقار الزمان نے کہا ہے کہ عبوری حکومت کل اپنے عہدوں کا حلف اٹھائے گی۔بدھ کو پریس کانفرنس کرتے ہوئے بنگلہ دیش کے آرمی چیف نے کہا کہ مسلح افواج محمد یونس کو ہر ممکن تعاون فراہم کریں گی۔خیال رہے کہ محمد یونس ایک نوبل انعام یافتہ پروفیسر ہیں جنہیں بنگلہ دیش کی طلبا تنظیموں نے عباری حکومت کے سربارہ کے طعر پر نامزد کیا تھا، بعد ازاں، انہوں نے یہ ذمہ داری قبول کرلی اور انہیں عبوری حکومت کا سربراہ بنا دیا گیا۔جنرل وقار الزماں نے کہا کہ عبوری حکومت کی تقریب حلف برداری کل جمعرات کی شام آٹھ بجے کے قریب منعقد ہو سکتی ہے۔انہوں نے بتایا کہ عبوری حکومت کے ارکان کی تعداد 15 تک ہو سکتی ہے، لیکن ایک یا دو لوگ زیادہ ہو سکتے ہیں۔
Load/Hide Comments
