جیوانی سے سمندر کے راستے غیر قانونی طور پر ایران جانے کی کوشش کرنے والے 13 افراد گرفتار

کوئٹہ (انتخاب نیوز) ایف آئی اے کمپوزٹ سرکل گوادر نے جیوانی میں کارروائی کرتے ہوئے سمندر کے راستے غیر قانونی طور پر ایران جانے کی کوشش کرنے والے 13 افراد کو گرفتار کرلیا۔ ترجمان ایف آئی اے کے مطابق گرفتار افراد میں افغان شہری بھی شامل ہیں جو ایران سے دیگر ممالک میں غیر قانونی طور پر داخل ہونا چاہتے تھے۔ گرفتار افراد کا تعلق پنجاب اور سندھ کے مختلف اضلاع سے ہے جن میں 2 کا تعلق رحیم یار خان، 5 کا قمبر شہداد کوٹ، 6 کا کشمور، لاڑکانہ اور شانگلہ سے ہے۔ گرفتار افراد کو جیوانی سے گرفتار کیا گیا جہاں سے وہ سمندری راستے سے ایران کی طرف روانہ ہونے کی تیاری کر رہے تھے، جن کے خلاف انسانی اسمگلنگ اور غیر قانونی طور پر سرحد پار کرنے کے الزام میں مقدمہ درج کرکے تفتیش کا آغاز کردیا گیا ہے۔