وزیراعظم سے بلو چستان عوامی پارٹی اور بلو چستان نیشنل پارٹی کے وفد کی ملا قات

اسلام آباد، کوئٹہ (این این آئی) وزیراعظم میاں محمد شہباز شریف سے بلو چستان عوامی پارٹی اور بلو چستان نیشنل پارٹی کے وفد کی ملا قات، بلوچستان میں جاری ترقیاتی منصوبوں اور پاک ایران تجارت کے فروغ کے حوالے سے تبادلہ خیال کیاگیا۔ پیر کو وفاقی وزیر دفاعی پیداوار سردار اسرار ترین، وزیر مملکت ہاشم نوتیزئی، ارکان قومی اسمبلی خالد حسین مگسی، زبیدہ جلال، احسان اللہ ریکی، روبینہ عرفان اور پروفیسر ڈاکٹر شہناز بلوچ نے وزیر اعظم میاں محمد شہباز شریف سے ملا قات کی ۔ملاقات میں بلوچستان میں جاری ترقیاتی منصوبوں اور پاک ایران تجارت کے فروغ کے حوالے سے تبادلہ خیال کیاگیا۔ اس موقع پر وزیر اعظم میاں محمد شہباز شریف نے کہا کہ بلوچستان کی ترقی حکومت کی اولین ترجیح ہے، حکومت بلوچستان کی با صلاحیت افرادی قوت کی ترقی کیلئے اقدامات کر رہی ہے۔