سنگاپور میں شنگریلا ڈائیلاگ کے تحت دنیا بھر کی انٹیلی جنس ایجنسیوں کی خفیہ میٹنگ

سنگاپور (انتخاب نیوز) دنیا کی بڑی انٹیلی جنس ایجنسیوں کے تقریباً دو درجن سینئر حکام کی شنگریلا ڈائیلاگ کے تحت ایک خفیہ میٹنگ ہوئی۔ غیر ملکی خبر ایجنسی کے مطابق سنگاپور میں ہونے والی اس سیکورٹی میٹنگ کا انتظام سنگاپور کی حکومت گزشتہ کئی سال سے سیکورٹی سمٹ کے ساتھ ایک بالکل الگ اور خفیہ وینیو پر منعقد کررہی ہے۔ غیر ملکی خبر ایجنسی نے مزید کہا کہ اس سے قبل اس میٹنگ کو رپورٹ نہیں کیا گیا تھا۔ اس میٹنگ میں امریکی حکومت کی نمائندگی ڈائریکٹر نیشنل اینٹلی جنس ایورل ہینز نے کی جو امریکا میں اینٹلی جنس کمیونٹی کے سربراہ ہیں۔ اس اجلاس میں چین بھی موجود تھا حالانکہ اس وقت چین اور امریکا کے درمیان کشیدگی موجود ہے۔