اردن ، ٹریفک حادثہ ، 9 افراد جاں بحق ،13 زخمی

عمان (مانیٹرنگ ڈیسک)اردن کے مشرقی علاقے بادیہ میں ایک خوفناک ٹریفک حادثے میں 9 افراد جاں بحق اور 13 افراد زخمی ہوگئے ۔غیرملکی خبررساںادارے کے مطابق حادثہ بغداد انٹرنیشنل روڈ کے جنوب میں کھیتوں کی طر ف جانے والی ثانوی سٹرک پر پیش آیا ۔زخمیوں کو فوری طور پر قریبی ہسپتالوں میں منتقل کردیا گیا ، شمالی بادیہ کے سرکاری ہسپتال ، معارف سرکاری ہسپتال ، اور کنگ طلال ملٹری ہسپتال میں ایمرجنسی کی صورتحال پیش آئی ۔ انتظامیہ نے کہا کہ مسافروں کو ان مقامات پر بھی سوار کیا گیا تھا جو اس مقصد کے لئے مختص نہیں تھے۔ٹرانسپورٹ گاڑیوں کے پچھلے باکس میں مسافروں کو سوار کرنے سے اموات کی تعداد میں اضافہ ہوا۔ حادثہ کی تحقیقات شروع کردی گئیں۔