ادبی ماحول کے فروغ کیلئے ڈگری کالج سوراب میں ایک روزہ براہوئی ادبی سیمینار

سوراب (این این آئی) براہوئی اکیڈمی سوراب برانچ کے زیراہتمام ڈگری کالج سوراب میں ایک روزہ براہوئی ادبی سیمینار کا انعقاد کیاگیاسیمینار کی صدارت براہوئی اکیڈمی سوراب برانچ کی صدر مرشدعلی حسن آزاد نے کی مہمان خاص چیئرمین ضلع کونسل سوراب حاجی عبدالواحد ہارونی تھے جبکہ اعزازی مہمانوں میں ایڈیشنل ڈپٹی کمشنرعبدالوہاب،وائس چیئرمین ضلع کونسل سردازادہ میرخدائے رحیم رودینی،ضلعی الیکشن کمشنرعبدالمقتدر غزالی،براہوئی اسٹوڈنٹس فیڈریشن کے مرکزی چیئرمین اکرم آمل،ڈگری کالج سوراب کےپرنسپل پروفیسرممتاز احمد سمالاڑی،پاکستان پیپلز پارٹی کے ضلعی صدر حاجی خدابخش زہری،براہوئی اکیڈمی خضدار برانچ کے صدر شاہین براہوئی،براہوئی اکیڈمی قلات برانچ کے فنانس سیکرٹری نبی بخش انجم براہوئی شامل تھے جبکہ امیرکاروان حاجی خیرجان ریکی بھی مہمانوں کے ساتھ تھا۔اس موقع پربراہوئی اکیڈمی سوراب برانچ کی نئی کابینہ کی حلف برداری بھی ہوئی براہوئی اکیڈمی پاکستان کے مرکزی وائس چیئرمین پروفیسرانجم براہوئی نے نئی کابینہ سے حلف لیا۔سیمینار میں سوراب سے تعلق رکھنے والے دو محققین حاجی خیرجان ریکی کی کتاب”عظمت رفتہ”اور میربراہوئی کی کتاب "گلارانڑی” کی تقریب رونمائی بھی کی گئی، پروفیسرانجم براہوئی اورجبار یاربراہوئی نے مذکورہ کتابوں پراپنے تبصرے پیش کئے ۔اس موقع محفل مشاعرہ کا انعقاد کیاگیاجس میں سوراب،خضدار،قلات اور دیگرعلاقوں سے آئے ہوئے شعراءنے اپنا کلام پیش کئے۔سیمینار سے خطاب کرتے ہوئے براہوئی اکیڈمی کے صدرمرشد علی حسن آزاد،حاجی عبداواحد ہارونی،اے ڈی سی عبدالوہاب،ضلعی وائس چیئرمین سردازادہ میرخدائے رحیم رودینی،چیئرمین اکرم آمل،شاہین براہوئی،نبی بخش انجم براہوئی،ایڈووکیٹ منیرآزاد رودینی،براہوئی اکیڈمی پاکستان کے مرکزی وائس چیئرمین پروفیسر انجم براہوئی،مرکزی پریس سیکرٹری امان صابر براہوئی اور دیگر مقررین نے کہاکہ براہوئی اس خطے کی قدیم ترین زبان ہے اس کے ادب اور ثقافت کو اجاگر کرنا ہم سب کا مشترکہ ذمہ داری ہے۔سوراب میں ادبی ماحول کو فروغ دینے اور نوجوانوں کو علم و ادب کی جانب راغب کرنے میں براہوئی اکیڈمی سوراب برانچ کا کردارتاریخی اہمیت کا عامل ہے۔انہوں نے کہاکہ براہوئی زبان،ادب اور ثقافت کی ترقی کےلئے اپنی تمام تر صلاحیتوں کو بروئے کارلائیں گے انہوں نے کہاکہ سوراب کی تاریخ اور ثقافت کو اجاگر کرنے میں حاجی خیر جان ریکی اور میربراہوئی کی کاوشیں قابل تحسین ہیں۔اسٹیج سیکرٹری امان صابر براہوئی نے مرشد علی حسن آزاد کے براہوئی زبان و ادب کےلئے خدامات پر مقالہ بھی پڑھا۔