بجٹ میں غریب اور متوسط طبقات کا خیال رکھیں، صدر کی وزیراعظم کو ہدایت

اسلام آباد (انتخاب نیوز) صدر مملکت آصف علی زرداری سے وزیر اعظم محمد شہباز شریف کی ایوان صدر میں ملاقات۔ ملاقات میں وفاقی وزیر منصوبہ بندی و خصوصی اقدامات پروفیسر احسن اقبال بھی موجود تھے۔ ملاقات میں ملک کی مجموعی معاشی اور مالی صورتحال پر گفتگو کی گئی۔ ملاقات میں آئندہ بجٹ میں عوام کو ریلیف فراہم کرنے کے حوالے سے تجاویز پر تبادلہ خیال۔ صدر مملکت نے کہا کہ بجٹ میں غریب اور متوسط طبقات کا خاص خیال رکھیں۔ صدر مملکت اور وزیرِ اعظم نے آئندہ بجٹ میں ترقیاتی منصوبوں پر بات کی۔ وزیراعظم نے صدر مملکت کو حالیہ دورہِ چین کے بارے میں بھی آگاہ کیا۔ صدر مملکت نے وزیرِ اعظم کو ملکی ترقی اور معاشی اہداف کے حصول میں تعاون کی یقین دہانی کرائی۔