امریکی سائنسدانوں نے شوگر سے مکمل نجات دلانے والی دوا تیار کرلی

واشنگٹن (آئی این پی) امریکہ میں سائنسدانوں نے حیرت انگیز پیشرفت کرتے ہوئے ذیابیطس سے نجات دلانے والی دوا تیار کرلی ہے۔غیرملکی خبررساںادارے کی رپورٹ کے مطابق ماونٹ سینائی ہاسپٹل سسٹم اور سٹی آف ہوپ ہاسپٹل کے ماہرین نے ایسی دوا کی تیاری میں کامیابی حاصل کی جو انسولین بنانے والے خلیات کو دوبارہ زندہ کرتی ہے جس سے ذیابیطس سے نجات پانا ممکن ہوسکتا ہے۔اس حوالے سے محققین کی جانب سے 2015 سے کام کیا جا رہا تھا اور 2023 میں چوہوں پر اس دوا کی آزمائش شروع کی گئی تھی۔تحقیق کے لئے ہارمائن نامی ایک قدرتی جز کو ذیابیطس ٹائپ 2 کو بڑھنے سے روکنے کے لئے استعمال کی جانے والی تھراپی جی ایل پی 1 کے ساتھ ملایا گیا۔