بے گناہ امریکی خاتون 43 سال بعد جیل سے رہا

واشنگٹن(صباح نیوز)بے گناہ امریکی خاتون کو 43 سال بعد جیل سے رہا کردیا گیا۔ غیرملکی خبررساں ادارے کے مطابق 64 سالہ سینڈرا ہیمی 20 سال کی تھیں جب انہیں عمر قید کی سزا سنائی گئی تھی۔ انہیں 1980 ء میں ایک لائبریری ورکر کے قتل کے الزام میں سزا دی گئی تھی۔ اس حوالے سے شدید دوا کے اثر میں لئے گئے سینڈرا کے بیان کے علاوہ کوئی ثبوت نہیں تھا، قتل ایک پولیس اہلکار نے کیا تھا جسے بچانے کے لئے سینڈرا کو پھنسایا گیا۔وکلا صفائی کا کہنا ہے کہ سینڈرا امریکی تاریخ میں سب سے طویل عرصے تک ناحق قید رہنے والی خاتون ہیں۔