نومبر تک غزہ کی 90 فیصد سے زیادہ آبادی کو غذائی عدم تحفظ کا سامنا کرنا پڑے گا،اقوام متحدہ

نیو یارک (صباح نیوز)اقوام متحدہ کے ورلڈ فوڈ پروگرام نے کہا ہے کہ نومبر تک غزہ کی 90 فیصد سے زیادہ آبادی کو شدید غذائی عدم تحفظ کا سامنا کرنا پڑے گا۔پروگرام کی طرف سے جاری ایک بیان میں کہا گیا کہ انروا کو متاثر کرنے والی نئی اسرائیلی قانون سازی پرگہری تشویش ہے۔ غزہ میں جان بچانے والی امداد فراہم کرنے کے لیے ناگزیرہوچکی ہے۔انہوں نے کہا کہ غزہ میں کارخانوں اور زرعی زمینوں کی تباہی کی وجہ سے خوراک کا نظام بڑی حد تک تباہ ہو چکا ہے جبکہ دکانیں اور بازار تقریبا خالی ہو چکے ہیں۔آج بھوک کے خطرے سے دوچار 70 فی صد تک لوگ نازک اور تنازعات سے متاثرہ علاقوں میں رہتے ہیں۔عالمی ادارہ خوراک نے خبردار کیا ہے کہ اگر موسم سرما کے قریب آتے ہی فوری اقدامات نہ کئے گئے تو غزہ کی پٹی میں انسانی بحران قحط میں بدل جائے گا ، اس پروگرام میں تقریباً 94000 میٹرک ٹن خوراک موجود ہے، جو غزہ جانے کے لئے تیار 10 لاکھ افراد کو 4 ماہ تک کھانا کھلانے کے لئے کافی ہے۔پروگرام نے اعلان کیا کہ وہ غزہ کو فوری سامان پہنچانے کے لئے تیار ہے لیکن ہمیں مزید سرحدی کراسنگ پوائنٹس کو کھولنے اور محفوظ بنانے کی ضرورت ہے۔مکمل امریکی حمایت کے ساتھ یہ اسرائیلی جارحیت سات اکتوبر 2023 سے غزہ کی پٹی پر نسل کشی کی شکل میں جاری ہے جس میں 140,000 سے زیادہ فلسطینی شہید اور زخمی ہوئے، جن میں زیادہ تر بچے اور خواتین ہیں اور 10,000 سے زیادہ لاپتہ ہیں۔