پنجگور، نیشنل پارٹی کے رہنما رحمت صالح بلوچ کے بھائی ولید صالح مسلح افراد کی فائرنگ سے قتل

پنجگور (نامہ نگار) پنجگور کے علاقے چتکان میں نامعلوم مسلح افراد کی فائرنگ۔ پولیس کے مطابق پنجگور میں نامعلوم م±سلح افراد کی فائرنگ سے نیشنل پارٹی کے مرکزی رہنما سابق صوبائی وزیر صحت میر رحمت صالح اور ڈسٹرکٹ چیئرمین مالک صالح بلوچ کے چھوٹے بھائی ولید صالح جاں بحق ہوگئے۔ پولیس کے مطابق گھر کے قریب نامعلوم افراد نے ان پر فائرنگ کرکے ولید صالح کو قتل کردیا۔ ولید صالح میر رحمت صالح بلوچ اور ڈسٹرکٹ چیئرمین مالک صالح کے چھوٹے بھائی تھے۔ اس سلسلے میں پولیس مزید تفتیش کررہی ہے۔ پولیس کے مطابق فوری طور پر قتل کے محرکات معلوم نہ ہوسکے۔