ایران کو پاکستان اور افغانستان کے درمیان تناو پر تحفظات ہیں کشیدگی کے خاتمے کی کوششیں کر رہے ہیں، ایرانی سفیر

پاکستان میں ایران کے سفیر رضا امیری مقدم نے کہا ہے کہ ہم دوستوں کا تو چناو کر سکتے ہیں لیکن ہمسایوں کا نہیں، پاکستان اور ایران دو برادر ہمسایہ ممالک ہیں۔ خطے میں تبدیلیوں کے نتیجے میں پاکستان اور ایران مزید قریب آئے۔پاک ایران تعلقات اور خطے میں طویل المدت شراکت داری کے موضوع پر عوامی مباحثہ سے خطاب کرتے ہوئے ایرانی سفیر نے کہا اسلامی انقلاب کے فوری بعد امریکا ایران تعلقات خراب ہوئے، اس وقت مشرق وسطٰی و برصغیر کا خطہ تبدیلیوں سے گزر رہا ہے۔ انھوں نے کہا کئی ملک امریکا ایران مذاکرات کسی معاہدے پر پہنچنے اور خطے میں جنگ نہ ہونے کے حق میں ہیں، پاکستان اور بھارت، ایران، اسرائیل کے درمیان جنگ ہوئی۔ ایرانی سفیر نے کہا یہ تبدیلیاں خطے میں مزید تبدیلیوں کا باعث بنیں، ان تبدیلیوں کے نتیجے میں پاکستان اور ایران مزید قریب آئے، دونوں ممالک کو درپیش اکثر خطرات بھی مشترکہ ہیں۔ انھوں نے کہا کہ دونوں ممالک کو درپیش ایک مشترکہ خطرہ علیحدگی پسند تنظیمیں اور گروہ ہیں، زیادہ تر علیحدگی پسند تنظیموں اور گروہوں کو مغربی ممالک کی حمایت حاصل ہے۔ یرانی سفیر نے کہا کہ ہمیں پاکستان اور افغانستان کے درمیان تناو پر تحفظات ہیں، ہم اپنی استطاعت کے مطابق اس تناو¿ کے خاتمے کی کوششیں کر رہے ہیں۔ تمام مسائل کو بات چیت اور مذاکرات کے ذریعے حل کیا جانا چاہیے، خطے میں کوئی بھی جنگ کسی کے لئے فائدہ مند نہیں ہو گی۔ ایرانی سفیر نے کہا کہ ایران، پاکستان، ترکیہ اور خطے کے دیگر ممالک علاقائی تعاون کو مزید فروغ دے سکتے ہیں۔