امریکی، ایرانی حملوں کے بعد عالمی منڈی میں تیل کی قیمتوں میں مزید 1 فیصد اضافہ

اسلام آباد(مانیٹرنگ ڈیسک)عالمی منڈی میں خام تیل کی قیمتوں میں ابتدائی کاروبار کے دوران ایک فیصد اضافہ ریکارڈ کیا گیا۔امریکا اور ایران کے درمیان حملوں کے تبادلے کے بعد تیل کی رسد میں ممکنہ تعطل کے خدشات بڑھ گئے ہیں، جبکہ مشرقِ وسطیٰ میں کشیدگی جلد کم ہونے کی امیدیں بھی متاثر ہوئی ہیں۔برینٹ خام تیل کی قیمت 87 سینٹ یعنی 0.92 فیصد اضافے کے بعد 95.52 ڈالرز فی بیرل ہو گئی۔امریکا ایران میں کشیدگی، عالمی منڈی میں خام تیل کی قیمتیں بڑھ گئیںامریکی ویسٹ ٹیکساس انٹر میڈیٹ (WTI) خام تیل کی قیمت بھی 80 سینٹ یعنی 0.89 فیصد بڑھ کر 91.02 ڈالرز فی بیرل پر پہنچ گئی۔دونوں معاہدوں کی قیمت گزشتہ کاروباری سیشن میں 4 ڈالرز سے زائد بڑھی تھی۔ برینٹ کی قیمت میں 24 جولائی کے بعد جبکہ ڈبلیو ٹی آئی کی قیمت میں 23 جولائی کے بعد یہ سب سے بڑا اضافہ ہے۔