فورسزپر حملے جیسی بزدلانہ کارروائیوں سے ڈرنے والے نہیں، جام کمال

کوئٹہ:وزیراعلیٰ بلوچستان نے پسنی کے قریب دہشت گردوں کی سیکورٹی فورسز پر بارودی سرنگ حملے کی مذمت کرتے ہوئے کہا ہے کہ دہشت گرد بزدلانہ کارروائیوں سے بلوچستان کے امن کو سبوتاژ کرنا چاہتے ہیں اپنے مذمتی بیان میں وزیراعلیٰ بلوچستان نے پسنی کے قریب دہشتگردوں کی جانب سے سکیورٹی فورسز کی گاڑی پر بارودی سرنگ حملے کی مذمت کرتے ہوئے دھماکے کے نتیجے میں کیپٹن عفان مسعود اور سپاہی بابر زمان کی شہادت پر افسوس کا اظہار کیا اور کہا کہ دہشت گرد بزدلانہ کارروائیوں سے بلوچستان کے امن کو سبوتاژ کرنا چاہتے ہیں۔صوبے کی عوام دہشت گردی کے خلاف اس جنگ میں اپنی فوج کے شانہ بشانہ کھڑی ہے۔ وزیراعلی بلوچستان نے شہدا کے بلند درجات کے لیے دعا اور لواحقین سے ہمدردی اور تعزیت کا اظہار کیا۔