کورونا کے مزید 3974 کیسز رپورٹ، 66 افراد جاں بحق

اسلام آباد: پاکستان میں کورونا کے مزید 3974 کیسز سامنے آئے ہیں جب کہ اس وائرس نے 66 افراد کی جان لے لی ہے۔نیشنل کمانڈ اینڈ آپریشن سینٹر کے اعداد و شمار کے مطابق گزشتہ روز ملک بھر میں کورونا کی تشخٰص کے لیے 57 ہزار 460 ٹیسٹ کیے گئے جن میں سے 3974 افراد میں وائرس کی تصدیق ہوئی، اس طرح کورونا کے مثبت کیسز کی شرح 6.91 فیصد رہی۔

ملک بھر میں کورونا کے مصدقہ مریضوں کی تعداد 11 لاکھ 9 ہزار 274 ہوگئی ہے تاہم ان میں سے 9 لاکھ 96 ہزار 426 صحتیاب ہوچکے ہیں۔ گزشتہ روز ملک میں اس وبا سے مزید 66 افراد زندگی کی بازی ہار گئے، اس طرح ملک میں اس وبا سے مصدقہ اموات 24 ہزار 639 ہو گئیں.
سرکاری اعداد و شمار کے مطابق اس وقت ملک بھر میں کورونا کے مصدقہ فعال مریضوں کی تعداد 88 ہزار 209 ہے جن میں سے 4 ہزار 885 کی حالت تشویشناک بتائی جارہی ہے۔